《逃不过伤患的失蹤人口

 

《原创文章 欢迎转载 请列明出处 谢谢》-请支持蓝狮 Facebook专页-《逃不过伤患的失蹤人口 按此观看图片 云真高,相信唔少车路士球迷比起坚尼地更会记得哩个名,是因今时今刻佢仍然係留左喺史丹福桥之中,只係唔喺正选名单,亦唔喺后备名单,而係长期留左喺伤病名单之中。当日二十出头曾经被评为自林伯特离开蓝桥后最合适嘅接班人,今日二十有六喺足球生涯之中依然停滞不前,始终都逃唔出伤患哩双魔掌。时间回到2013年,云真高贵为荷甲嘅年度最佳年青球员,绝对係当时球坛最具有潜力嘅中场新星之一,吸引到时任车路士领队摩连奴嘅目光,一手将佢由卫星球会维迪斯带到伦敦,希望为传奇中场林伯特既离开做準备。荷兰人无疑喺中场控制节奏方面、长短传质素以及后上射门都具一定实力,的确见到係具备一个全能中场既潜质,但好可惜既係球员非常容易受伤,引致竞技状态起伏不定,因而为蓝军上阵次数寥寥可数,即使有机会比赛都係表现平平。正所谓时间係唔等人,但云真高只是轮流在冷板凳以及病床上渡过,乏善足陈嘅上阵时间,纵使不甘心亦无力交出令人信服嘅表现去争取更多机会,而唯一可以做既就係转一转环境,希望自己能够重拾较好状态準备好自己再返黎竞争,云真高先后外借到意甲AC米兰同英超史笃城,但係喺两支球队亦未有亮眼表现,发挥都相当一般,唯有决意选择回到自己熟悉嘅荷甲,再一次以借将身份离开加盟PSV燕豪芬,经过短短半季既时间就交出7个入球以及4个助攻,同之前既状态比较之下可以话有显着提升。可惜即使难得交出较为理想嘅成绩表,但时任主帅干地仍然对荷兰人投下不信任一票,同时间PSV燕豪芬再次向荷兰人抛出橄榄枝,希望得到云真高再次回国协助,而球员亦愿意再度加盟,令人意外嘅係车路士喺交易前先向云真高续约至2020年,虽然唔敢贸然定断当时蓝军嘅最终目的,但总算係对球员给予肯定。PSV燕豪芬同时送上十号球衣及队长臂章,云真高亦不付所望在各项赛事上阵达25场,攻入12球并交出4个助攻,正当能够回复甦醒之时,伤患再一次不合时宜地出现,球员亦再一次回到史丹福桥既医疗室一直养伤至今。万劫不复既伤患可以话摧毁左荷兰人既职业生涯,对于佢黎讲依加只希望可以喺足球场上继续表现自己,球迷亦唔希望见到云真高以退役作结。文章发表时间 : 18/4/2019 15:45文章最后更新时间 : 18/4/2019 15:45《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

上一篇: 下一篇: